VIÐHORFAHÓPUR

Hér fyrir neðan koma fram upplýsingar fyrir meðlimi í viðhorfahóp okkkar. Hér má finna mikilvægar upplýsingar um trúnað og meðferð persónuupplýsinga sem gilda um viðhorfahópinn.

Skoðun þín skiptir máli!

Skilningur og þekking á viðhorfum fólks liggja til grundvallar á svo ótal mörgu þegar að ákvörðunum kemur hjá stjórnendum. Með því að koma skoðunum sínum á framfæri í rannsóknum Ráðhússins getur þú því haft áhrif á framvindu í starfsemi, stefnu og þróun á vöru og þjónustu.

Þess vegna skiptir þátttaka þín í viðhorfahópnum miklu máli. Markaðsaðilar munu fá aðgang niðurstöðum rannsókna okkar og fá þannig dýrmætar upplýsingar um væntingar og viðhorf til fjölbreyttra málefna. Þannig getur þú mögulega fengið í auknum mæli þjónustu sniðna að þínum óskum og þörfum.

Þú munt fá tölvupóst þar sem þér verður boðið að svara spurningum um þín viðhorf. Það er mikilvægt að staðfesta netfangið sem þú skráir, því án staðfestingar sendum við ekki boð til þín. Mikilvægt er að kíkja í Spam/Rusl hólfið til að staðfestingarpóstur komist til skila og rétt að bæta admin@cintindex.com sem tengilið til að póstur fari beint í innhólfið.

 

Við erum í samstarfi við alþjóðlegt fyrirtæki sem staðsett er í Svíþjóð og fylgjum því öllum reglum sem gilda í ESB/EES um persónuvernd og meðferð persónuupplýsinga sem gilda einmitt líka hér á landi. 
 

Trúnaður og persónuvernd

Ráðhúsið leggur áherslu á örugga meðferð persónuupplýsinga og trúnað. Allar upplýsingar sem Ráðhúsið fær um einstaklinga eða fyrirtæki eru varðveittar á öruggan hátt og gilda strangar reglur um notkun þeirra. Við framsetningu gagna er þess gætt að ekki sé hægt að rekja svör til einstaklinga.

Ráðhúsið starfar eftir ströngum siðareglum sem settar eru af alþjóðasamtökum markaðsrannsóknafyrirtækja - ESOMAR. Við virðum þau lög sem Persónuvernd starfar eftir og setur um geymslu og meðferð persónuupplýsinga og það gera allir okkar samstarfsaðilar. Ráðhúsið safnar aldrei upplýsingum um einstaklinga án þeirra vitneskju og samþykkis.

Ráðhúsið veitir þriðja aðila aldrei upplýsingar um svarendur í könnunum án þeirra samþykkis. Þeir starfsmenn Ráðhúsins sem hafa aðgang að persónulegum upplýsingum hafa ríka skyldu um að virða trúnað við svarendur og hafa skrifað undir samning þess efnis. Þátttakendum í könnunum er ávallt frjálst að neita að svara einstaka spurningum eða könnun í heild sinni.

Hverjir eru í Viðhorfahópnum?

Tryggt er að hópurinn endurspegli ávallt íslensku þjóðina og með það að leiðarljósi er vísindalegum aðferðum beitt til að tryggja gæði. Þessi aðferð gerir okkur síðan kleyft að setja fram alhæfingar um þýðið eða markhópinn. 

  • Viltu taka þátt í viðhorfahópnum og fá greitt fyrir þína skoðun? Skráðu þig hér

Ráðhúsið Lágmúla 6, 108, Reykjavik | 5715515 | KNT 5412200970 | VSK 95178 |  Höfundarréttur 2020 - 2021 | Persónuverndarstefna | Skilmálar

  • LinkedIn
  • Facebook