VIÐHORFAHÓPUR
Af gefnu tilefni viljum við vekja athygli á því að Ráðhúsið ráðgjöf hefur tekið að sér umsjón með viðhorfskönnunum sem áður voru á vegum Tölvísis. Af þeim sökum hafa borist tilkynningar til þeirra sem höfðu skráð sig hjá Tölvísi sem merktar eru okkur, þar sem óskað er staðfestingar á áframhaldandi þátttöku þeirra í viðhorfshópi sem nú er á okkar vegum.
Rannsóknateymi Ráðhússins hefur áratugareynslu á sviði viðhorfs- og markaðsrannsókna og við höfum annast þau verkefni með árangursríkum hætti fyrir bæði innlend og erlend fyrirtæki og stofnanir. Ráðhúsið ráðgjöf er í samstarfi við alþjóðleg markaðsrannsóknarfyrirtæki, sem gerir okkur kleyft að framkvæma rannsóknir bæði hér heima og erlendis fyrir viðskiptavini okkar.
Trúnaður og persónuvernd
Ráðhúsið leggur áherslu á örugga meðferð persónuupplýsinga og gætir trúnaðar í þeim efnum. Allar upplýsingar sem Ráðhúsið fær um einstaklinga eða fyrirtæki eru varðveittar á öruggan hátt og gilda strangar reglur um notkun þeirra. Við framsetningu gagna er þess gætt að ekki sé hægt að rekja svör til einstaklinga.
Ráðhúsið starfar eftir ströngum siðareglum. Við virðum þau lög sem Persónuvernd starfar eftir og setur um geymslu og meðferð persónuupplýsinga. Ráðhúsið safnar aldrei upplýsingum um einstaklinga án þeirra vitneskju og samþykkis.
Ráðhúsið veitir þriðja aðila aldrei upplýsingar um svarendur í könnunum án þeirra samþykkis. Þeir starfsmenn Ráðhússins sem hafa aðgang að persónulegum upplýsingum hafa ríka skyldu um að virða trúnað við svarendur og hafa skrifað undir samning þess efnis.
Hverjir eru í Viðhorfahópnum?
Við nefnum þann hóp sem tekur þátt í rannsóknum okkar Viðhorfahópinn. Tryggt er að hópurinn endurspegli ávallt íslensku þjóðina og með það að leiðarljósi er vísindalegum aðferðum beitt til að tryggja gæði. Þessi aðferð gerir okkur kleyft að setja fram alhæfingar um þýðið eða markhópinn. Sambærilegar kröfur eru gerðar til rannsókna okkar erlendis.
